Загрижувачки проценки на американските експерти: Во случај на војна Русија би го прегазила НАТО во Европа!?

Колумнистот на американскиот магазин „Нешенел интерест“, Џон Росомандо објасни што го очекува НАТО во случај на конфликт со Русија во Европа.

Авторот на статијата потсети на воените вежби на НАТО „Зима 20“ одржани во Полска, за време на кои претпоставениот противник од истокот и нанесе уништувачки пораз на армијата на земјата за само пет дена. Ова се случи и покрај фактот дека во теоретскиот конфликт, полските вооружени сили имаа (сè уште неиспорачани) авиони од петтата генерација Ф-35, против ракетни одбранбени системи „Патриот“ и повеќецевни ракетни системи ХИМАРС.

Google search engine

Вежбите покажаа дека источното крило на Северноатлантскиот сојуз е слабо и ранливо на потенцијална руска инвазија, напиша експертот.

Росомандо посочи дека Русија го зајакна и модернизира Западниот воен округ, во кој се концентрирани „најкомпетентните воени единици“ на земјата, опремени со модерни тенкови Т-90 и Т-72Б3М, оклопни носачи БТР-82, БМП- 3, како и софистицирани системи за противвоздушна одбрана, вклучително и противвоздушни системи „Тунгуска“, „Панцир С1“ и С-400.

Според неговите зборови, оваа група руски трупи брзо би ги соборила полските и балтичките единици на НАТО, доколку Соединетите држави не го зголемат своето присуство на ова крило.

„Во случај на војна, руската и белоруската армија ќе ја окупираа територијата на НАТО долж границата и со тоа ќе ги пресечат силите на Алијансата на половина, што ќе ја прекине логистичката врска помеѓу Полска и Литванија, се вели во написот.

Авторот им предлага на САД да и помогнат на Полска да го замени застареното оружје со модерно што ги исполнува стандардите на Алијансата. Покрај тоа, сојузниците на НАТО мора да ги обноват линиите за снабдување што постоеја во Западна Европа пред крајот на Студената војна, заклучува колумнистот.

Москва повеќе пати потенцираше дека земјата нема агресивни намери кон другите земји. Во исто време, руската страна ја забележува растечката воена активност на Соединетите Американски Држави и блокот на НАТО на нејзините граници. Министерот за одбрана Сергеј Шојгу го посочи „антирускиот карактер“ на активностите на Северноатлантскиот сојуз. Според него, Министерството за одбрана ги презема сите неопходни мерки за сигурна заштита на земјата.