На аеродромот во Кабул владее општ хаос. Агенцијата „Ројтерс“ пренесува изјави на очевидци кои тврдат дека најмалку пет лица загинале на аеродромот, додека стотици луѓе се обиделе насилно да влезат во авионите што го напуштаат авганистанскиот главен град.
Објавени се и снимки на кои се гледа како голем број луѓе лежат на земја.
🔴 SUIVI – #Afghanistan : La situation est chaotique à l’aéroport de #Kaboul ou tout les vols commerciaux ont été annulés. Les forces américaines sont sur le tarmac, il y aurait des personnes décédées. #TalibanTerrorists #Kabul #Talibans #taliban #Islamisme pic.twitter.com/ZNPWtKNuQJ
— FranceNews24 (@FranceNews24) August 16, 2021
Не е јасно дали биле застрелани, прегазени и дали се живи, повредени или мртви.
Еден сведок рекол дека видел како се изнесуваат тела на пет лица. Друг сведок изјавил дека е нејасно дали жртвите загинале од истрели или стемпедо, наведува „Ројтерс“.
Американските војници задолжени за заштита на аеродромот претходно пукаа во воздух за да ја растераат толпата, соопшти американски претставник.
Официјалните лица не се веднаш достапни за да ги коментираат смртните случаи.
