Невообичаена појава во Кина, т.н. „црвено небо“, ги преплаши луѓето во оваа земја кои тврдат дека тоа е лош знак.
На видео снимките објавени на социјалните мрежи се гледаат исплашени граѓани во Кина кои снимиле како небото ја менува бојата. Бидејќи црвеното небо беше најинтензивно во близина на пристаништето, многумина мислеа дека избувнал пожар кој излегол од контрола.
Црвеното небо во кинескиот пристанишен град Жоушан стана една од главните теми на кинеските социјални мрежи, а некои го нарекоа тоа како лош знак поради активностите на Кина во врска со пандемијата со вирусот Ковид-19, со оглед на тоа што се случува во милионскиот град Шангај.
🤔
Red sky in Zhoushan, China, on the evening of May 7th, 2022!!#RedSky #China pic.twitter.com/gcjPrdr2PN
— My thoughts too (@my_thoughts_too) May 9, 2022
„Ќе се случат незгоди“, и „Почнав да складирам залихи“, “, се само дел од коментарите на преплашените граѓани на социјалните мрежи, но локалните медиуми објаснуваат дека тоа не е знак на апокалипса, туку резултат на рефлексија на светлината.
Кога временските услови се добри, повеќе вода во атмосферата создава аеросоли кои ја прекршуваат и расфрлаат светлината на рибарските чамци и создаваат црвено небо кое јавноста може да го види – велат метеоролозите од Жоушан.
Unusual red sky in Zhoushan, Zhejiang Province, local media reported that the red sky that appeared was caused by the refraction and scattering of light, most likely from ship lights in the port. China #weather #Climat #ClimateChange #ClimateCrisis pic.twitter.com/rJnep4OhVe
— NEWS/INCIDENTS (@Brave_spirit81) May 9, 2022
