Момче (15), наводен син на српски криминалец, е уапсен во Стокхолм со уште двајца врсници под сомнение дека се обидел да изврши убиство оставајќи торба со многу разорна бомба во паркот за време на културниот фестивал!
Како што пренесува Samnytt.se, момчињата биле уапсени минатиот петок, за нападот што се обиделе да го изведат на 21 август.
– За време на културниот фестивал во Кунгстрадгоредно, пронајдена е сомнителна торба. Кога полицајците го отвориле, се испоставило дека внатре има бомба. Паркот е евакуиран, а техничарите ја однеле бомбата – пишува шведскиот портал:
– Трите момчиња се уапсени седум дена подоцна. Обвинителот за време на викендот побара притвор за сите тројца, но судот одлучи двајца да бидат пуштени на слобода. Третото момче е приведено затоа што лично ја донело бомбата. Полицијата веднаш демантираше дека се работи за терористички чин.
Шведските медиуми јавуваат дека приведеното момче е по потекло од Србија.
– Станува збор за син на човек кој е осуден за десетици кривични дела во Шведска. Од Србија и Црна Гора дошол во Шведска во деведесеттите години на минатиот век и тука се населил. Мајката на момчето емигрирала во 2006 година. Целото семејство, вклучувајќи го и таткото, добиле шведско државјанство дури во март годинава – пренесува порталот.
Според нив, едното од момчињата е по потекло Полјак, додека другото е Швеѓанец.
– Тие се вклучени во криминални активности, а ние истражуваме за кого биле наменети експлозивите и зошто се донесени на фестивалот – вели изворот.
