Една од украсените новогодишни елки на Менхетн во Њујорк е во пламен, а за подметнување пожар е уапсен еден маж, пренесуваат американските медиуми.
Божиќната елка која била зафатена од пожар била поставена пред редакцијата на „Фокс њуз“ на Менхетн, а во истата зграда се наоѓаат и „Њујорк пост“ и „Вол стрит журнал“.
#BreakingNews : Fox News Christmas tree caught fire outside their headquarters on Continental Avenue, suspected arson 📌 #Manhattan #Newyork pic.twitter.com/ILeGQwKrId
— Akıncı (@Aknc35624923) December 8, 2021
Обезбедувањето на „Фокс“ го забележал осомничениот како после полноќ се качува на вештачката елка висока 15 метри, соопштила полицијата.
Интервенирале и пожарникари и за среќа никој не бил повреден.
49-годишниот маж кој ја запалил елката се обидел да побегне од местото, но подоцна бил уапсен и обвинет за повеќе кривични дела. Кај осомничениот била пронајдена запалка.
Уапсениот е идентификуван како Крег Таманах, бездомник со последна пријавена адреса во Бруклин.
Елката инаку содржела 10.000 стаклени украси, 100.000 сијалички и биле потребни 21 час за комплетно да се накити.
