Неколку часа по прославата, на улиците на Буенос Аирес како да паднала атомска бомба!
Прославата по повод освојувањето на титулата на Светското првенство во Катар се претвори во масовен хаос, по што аргентинските фудбалери мораа да бидат евакуирани со хеликоптер. Евакуацијата значеше и крај на парадата по улиците на главниот град на оваа јужноамериканска земја, но и почеток на конфликтот со полицијата.
Полицајците во таа прилика употребиле и пушки за да ја растераат разбеснетата толпа.
На крајот на краиштата, наместо убаво сеќавање и достоинствен пречек, утрото потоа на улиците имаше урнатини – најблаго речено.
