Четвртото заклучување од почетокот на пандемијата на корона вирусот, кое од полноќ е на сила во Австрија, ги испразни улиците на Виена.
На улиците има помалку возила, но и помалку граѓани како за време на најголемите училишни распусти.
Овој период, се чини, се користи за извршување на потребните работи во делови од градот каде што, инаку, има поголема фреквенција на луѓе.
Во центарот на Виена, во пешачката зона Кернтерштрасе, може да се видат само неколку минувачи и неколку туристи, кои беа изненадени од заклучувањето.
Pop up vaccination and #covid test centres are among the few places open this morning in Vienna – countrywide lockdown in Austria due to rising case numbers and infection rates 🇦🇹 #COVID19 @GMB pic.twitter.com/ta214ifct5
— Nick Dixon (@NickDixonITV) November 22, 2021
Продавниците, освен тие со прехрамбени производи, аптеки, мобилна телефонија и пошта, не работат.
На влезот во продавниците беше објавена порака до купувачите дека продавницата е затворена поради епидемиолошки мерки, дека со нетрпение очекуваат наскоро да ги видат здраци и живи и дека, во најголем број случаи, преминале на онлајн продажба.
Поради целодневното заклучување, граѓаните можат да излезат од дома само за да пазарат намирници и хигиенски средства, на работа, кај лекар, да им помагаат на другите, но и да пешачат и трчаат, но без други лица кои не се од исто домаќинство.
Само оние кои биле вакцинирани, излечени од ковид или негативно тестирани можат да одат на своето работно место, јави Танјуг.
