Претседателот Владимир Путин негираше дека Русија има некаква врска со енергетската криза во Европа.
Тој рече дека ако Европската унија сака повеќе гас, треба да ги укине санкциите што го спречуваат отворањето на гасоводот Северен тек 2, пренесува Ројтерс.
Говорејќи пред новинарите по самитот на Шангајската организација за соработка во Узбекистан, Путин за енергетската криза го обвинил она што го нарекол „зелена агенда“ и инсистирал на тоа дека Русија ќе ги исполни своите енергетски обврски.
„Суштината е, ако имате желба, ако ви е толку тешко, само укинете ги санкциите за Северен тек 2, што е 55 милијарди кубни метри гас годишно. Само притиснете го копчето и сè ќе оди“, вели Путин.
Северен тек 2, кој лежи на дното на Балтичкото Море речиси паралелно со Северен тек 1, беше изграден пред една година, но Германија одлучи да не продолжи со тоа само неколку дена пред Русија да испрати свои војници во Украина на 24 февруари.
