„Vertu Metavertu“: Колку чини телефон од кожа од алигатор, злато и дијаманти

Познатиот производител на луксузни телефони се врати и претстави телефон кој нема да може секој да си го дозволи.

„Vertu“, брендот фокусиран на луксузни паметни телефони, го претстави својот најнов уред само за оние со најдлабок џеб – „Metavertu“, првиот телефон „Web3“. Компанијата се надева дека има крипто-милионери кои сакаат нивниот телефон да го одразува нивниот врвен животен стил, особено затоа што овој уред е со цена од неверојатни 41.500 долари.

Google search engine

„Metavertu“ е водечки паметен телефон. Има заоблен AMOLED екран со дијагонала од 6,67 инчи, FHD+ резолуција, кој се освежува со брзина од 144 Hz и чија осветленост достигнува 1.000 nits. Не се напојува со најновиот процесор на Qualcomm, но не се сомневаме дека клиентите ќе бидат задоволни од перформансите на чипсетот Snapdragon 8 Gen 1.

За фотографиите е одговорен системот со три камери, кој доаѓа со главен IMX 787 сензор од 64 MP со оптичка стабилизација, сензор со ултра широк агол од 50 MP, како и оптички стабилизиран сензор за перископ од 8 MP. Не се сомневаме дека малку клиенти ќе успеат да направат одлични фотографии, но уникатната карактеристика на овој телефон што ја рекламира „Vertu“ е претворањето на секоја фотографија во „NFT“.

Внатре во самиот уред се наоѓа батерија од 4.600 mAh која поддржува брзо полнење од 55 W, како и безжично полнење од 15 W, а компанијата тврди дека телефонот може да се наполни за само 20 минути.

Бидејќи ова е првиот телефон „Web3“ во светот, а компанијата признава дека миграцијата од „Web 2.0“ нема да се случи преку ноќ, „Metavertu“ има прекинувач што им овозможува на корисниците да се префрлат од режимот „Web 2.0“ во „Web 3.0“. Исто така, за да ги задржи податоците на клиентите безбедни, особено нивниот крипто-паричник, „Vertu“ имплементира безбедносен блокчејн А5 чип, кој „ги исполнува безбедносните спецификации на врвните меѓународни финансиски институции“.

Сепак, она што особено ја зголемува цената на овој уред е дизајнот и материјалите од кои е направен. Клиентите можат да избираат од сафирно стакло, керамика, алигаторска кожа, говедска кожа и можат да додадат детали како 18-каратно злато и дијаманти.

„Vertu Metavertu“ доаѓа во конфигурации од 12/512 GB и 18/1024 GB. Во зависност од материјалите, бојата, додатоците и конфигурацијата, цената се движи од 3.600 долари, па дури и до 41.500 долари.

- АУДИО РЕКЛАМА -