Русија и Украина „речиси постигнаа договор“ за четири клучни точки од потенцијалниот мировен договор, рече турскиот министер за надворешни работи додека продолжуваат жестоките борби низ Украина. Мевлут Чавушоглу даде интервју за турскиот провладин весник Хуриет, велејќи дека Москва и Киев се „сè повеќе усогласени“ по интензивните дипломатски разговори минатата недела. „За важни, клучни теми, постои договор меѓу двете страни“, рече Чавушоглу. Посебно гледаме дека постигнаа договор за првите четири точки“, додаде тој.
Турција, која посредува во преговорите со Израел, рече дека Украина и Русија постигнале значителен напредок во прогласувањето на Киев-ската неутралност и откажувањето од напорите да стане членка на НАТО. Тогаш наводно бил постигнат договор за „демилитаризација“ на Украина, но и за укинување на ограничувањата за употреба на рускиот јазик во Украина.
Евентуалниот договор ќе бара Русија да прогласи прекин на огнот и да ги повлече своите војници од украинската територија на позициите што ги имаа кога рускиот претседател Владимир Путин ја започна инвазијата на 24 февруари. Компромисот најверојатно ќе вклучува Киев да направи симболични отстапки и да забрани одредени групи или да ги преименува улиците именувани по украинските партизани кои се бореле заедно со нацистичка Германија против СССР во Втората светска војна, рекоа две лица запознаени со разговорите.
Русија, исто така, би можела да го олесни барањето за Украина, рускиот да биде втор официјален јазик во земјата, во случај Киев да ги укине законите што ја ограничуваат неговата употреба, додаваат изворите.
Украина и нејзините западни сојузници се скептични за мотивите на Русија во разговорите и стравуваат дека Путин би можел да купи време за да ги прегрупира руските сили и да започне нова офанзива.
Украинскиот претседател Володимир Зеленски повтори дека е „подготвен за преговори“ со рускиот претседател Владимир Путин, нагласувајќи дека „без преговори војната нема да запре“, во интервју за Си-Ен-Ен објавено во неделата. Подготвен сум за преговори со Владимир Путин. Подготвен сум во последните две години и мислам дека без преговори војната нема да запре“, рече тој.
Зеленски бранеше неколку рунди разговори меѓу Киев и Москва одржани од почетокот на руската инвазија на Украина на 24 февруари, велејќи дека во нив има „доста вредни работи“. „Ако има само 1 процент шанса оваа војна да престане, ние мора да ја искористиме“, рече тој.
Соочени со руската армија која влезе во Украина за да го „истреби“ населението, „мора да ги искористиме сите формати, сите можности за преговори, можноста да разговараме со Путин“, рече Зеленски. „Но, ако овие обиди не успеат, тоа би значело дека ова е Трета светска војна“, предупреди тој.
Портпаролот на турскиот претседател Ибрахим Калин, исто така, изјави за телевизијата Ал Џезира дека двете страни се приближуваат до четири клучни прашања. Тој го наведе барањето на Русија, Украина да се откаже од амбициите за влез во НАТО, демилитаризацијата, потоа тоа што Русија го нарекува „денацификација“ и заштитата на рускиот јазик во Украина.
Украина и Западот ги отфрлија руските обвинувања за „неонацисти“ во демократски избраната украинска влада како неоснована пропаганда, а Калин рече дека таквите обвинувања се навредливи за Киев.
