Турските власти планираат да создадат специјална авиокомпанија која ќе превезува руски туристи во турските одморалишта, јавува Би-Би-Си, повикувајќи се на турски медиуми.
Веста доаѓа откако Европската агенција за безбедност на воздухот ги суспендираше сертификатите за сите руски авиокомпании.
Турскиот весник „Сабах“ наведува дека ескалацијата на конфликтот меѓу Русија и Украина доведе до проблеми во туристичкиот сектор на Турција, бидејќи и Украина и Русија се многу важни за нејзиниот бизнис. Според Интерфакс, новата компанија треба да биде со седиште во Анталија.
🤯❓Turkey wants Russian tourists.
Turkish authorities plan to create a new airline to transport Russian tourists from Russian cities directly to the Turkish resorts, according to Interfax-Ukraine. Turkey expects at least 2 million tourists from Russia.— Toronto Television / Телебачення Торонто (@tvtoront) April 10, 2022
„Благодарение на авиокомпанијата, ќе биде можно да се привлечат дополнителни милион руски туристи“, пишуваат турските медиуми.
Туркиш ерлајнс наводно се договорил со руските агенции да резервира блокови за седишта за руските туристи на своите летови. Турција наводно очекува најмалку два милиони туристи од Русија.
