По освојувањето на Кабул, Талибанците се во потрага по луѓето кои работеле за НАТО или претходно во авганистанската влада, се наведува во предупредувачкиот документ од ОН.
Во документот се наведува дека милитантите одат од врата до врата во потрага по „метите“ и им се закануваат на членовите на нивните семејства.
Откако ја презедоа власта, Талибанците се обидуваат да ги убедат Авганистанците дека „нема да има одмазда“, но како што пренесува „BBC“ постои страв дека тие не се смениле многу од 90-те години до сега.
Live: Taliban conducting ‘targeted door-to-door visits’, warns UN report https://t.co/Spy1agS4H9 pic.twitter.com/gSl2lqDcM9
— FRANCE 24 English (@France24_en) August 20, 2021
Во предупредувачкиот документ пишува:
„Има многу луѓе кои Талибанците ги таргетирале и заканите се кристално јасни. Пишува дека Талибанците, доколку не се предаваат, ќе ги уапсат и процесуираат, ќе ги испрашуваат и казнат членовите на нивните семејства“, изјавил за „BBC“ Кристијан Нелеман кој е во групата која го направила извештајот.
Тој исто така предупредил и дека сите оние кои се наоѓаат на црната листа на Талибанците се во опасност дека може да дојде до масовна егзекуција.
🔴 INFO – #Afghanistan : Les #terroristes #talibans ont intensifié leur traque des #Afghans ayant travaillé avec les forces étrangères, alerte un document confidentiel des Nations unies. pic.twitter.com/MDwGeHj3n6
— FranceNews24 (@FranceNews24) August 20, 2021
Странските сили продолжуваат со напорите своите државјани да ги преземат од Авганистан.
Функционер на НАТО изјавил дека повеќе од 18.000 луѓе биле евакуирани од аеродромот во Кабул во последните пет дена.
Целта е напорите за евакуација да бидат двојни во текот на викендов.
