Орален антивирусен лек ќе го имитира дејството на лекот Тамифлу против грип и ќе ја спречи прогресијата на болеста за да не се претвори во тешка клиничка слика.
Компанијата Фајзер вчера објави дека поминува во следната фаза на клинички тестови т.е. апчиња за отстранување на Ковид 19 кај луѓе кои се изложени на инфекција. Неколку компании веќе работат на формулирање на таканаречени орални антивирусни лекови, кои би ги имитирале ефектите на тамифлу против грипот и би го спречиле развојот на болеста за да не се претвори во тешка клиничка слика.
Односно, тамифлу функционира така што дозволува молекулата на лекот ефикасно да го спречи ширењето на вирусот од заразени до незаразени клетки, а неговата примена гарантира дека вирусните честички остануваат „заклучени“ во веќе заразената клетка и не можат да се шират на соседните или подалечните здрави клетки и ги инфицираат и на тој начин да ја шират инфекцијата.
Лекот ќе има комплетен ефект што вакцините го немаа
Веруваме дека борбата против вирусот ќе бара ефективни третмани за луѓето кои се заразиле или биле изложени на него, надополнувајќи го влијанието што го имале вакцините изјави Мајкл Долстен, главен научен директор на Фајзер. Патем, оваа биотехнолошка компанија започна да го развива својот лек, наречен PF-07321332, во март 2020 година и да го тестираше во комбинација со ритонавир, преформулиран лек за ХИВ.
Клиничкото испитување опфати 2.660 возрасни лица кои ќе учествуваат при првите знаци на инфекција со ковид -19 или при првото сомневање за изложеност на вирусот. Тие ќе бидат случајно распоредени да примаат или комбинација од PF-07321332 и ритонавир, или плацебо, двапати дневно за време од пет до десет дена.
Фајзер е првиот лек специјално дизајниран против коронавирус
Целта е да се оцени безбедноста и ефикасноста на лековите што се изучуваат во первенција од инфекција со САРС-КоВ-2 и симптоматска болест до 14-от ден. Други компании, исто така, тестираат постоечки орални антивирусни лекови против ковид -19, но лекот на Фајзер е првиот лек специјално дизајниран против коронавирус.
Тој е познат е како „инхибитор на протеаза“ и се покажа во лабораториските тестови дека го попречува механизмот на репликација на вирусот. Ако функционира во реалниот живот, веројатно ќе биде ефикасно средство, но најмногу во раните фази на инфекцијата.
