СЗО со предупредување до државите – да не ги укинуваат мерките против Ковид-19

Светската здравствена организација (СЗО) ги предупреди државите да не ги укинуваат епидемиолошките мерки против коронавирусот премногу брзо, пренесоа агенциите.

„Употребата на маски, физичко растојание, хигиена на рацете и подобрена вентилација во затворен простор остануваат клучни за намалување на преносот на коронавирус“, изјавија од Комитетот на СЗО во Женева.

Google search engine

Во соопштението се додава дека спроведувањето на утврдените здравствени мерки мора да продолжи како одговор на одделни кластери, вклучително и следење на контакти, карантин и изолација, јавија агенциите.

Комитетот препорачал одржување на состојбата на меѓународна вонредна ситуација прогласена од СЗО на 30 јануари 2020 година.

Ова тело на СЗО се состанува приближно на секои три месеци за да ја процени ситуацијата. Ова беше осми состанок откако коронавирусот се појави во Кина.

ПретходнаСпречен обид за атентат врз Мадуро. Познати сите детали
СледнаГолем број жртви од поплавите во Германија, повеќе од 1.000 лица се исчезнати (ВИДЕО)