Група од 26 туристи уживале во патувањето од соништата во Црвеното море во Египет, пред нивната јахта одненадеж да се преврти.
Британски турист опишал како тој и другите го преживеале пеколот на одмор додека биле на јахта од 41 метри во областа позната како „египетски Бермудски триаголник“. Група од 26 луѓе од целиот свет требало да ужива во одморот на патувањето во Египет минатиот месец.
Но, наместо да создаваат брилијантни спомени кои никогаш нема да ги заборават, нивниот одмор од соништата се претворил во кошмар, кога бродот на кој пловеле драматично се превртел во понеделникот. Само благодарение на брзото размислување на сите и тимската работа, сите успеале да преживеат.
Тогаш сите до еден останале и без пасошите, и наместо да им помогне компанијата одговорна за бродот, тие им вршеле притисок да даваат лажни изјави на надлежните. Потресните снимки покажуваат група на брод додека се навалува во водата. Можете да слушнете псовки и вресоци додека некои се фрлаат во морето во близина на Хургада, во близина на Суецкиот канал.
Footage from one of our fellow divers onboard the Carlton Queen documenting its sinking and our rescue. We are currently trying to raise funds for those that lost their livelihoods as diving instructors through Go Fund Me. Please share. https://t.co/cWQkYazn2c pic.twitter.com/uwggFRewLM
— Toby Meadows (@MeadowsToby) May 4, 2023
Друго видео потсетува на сцена од Титаник, на кое се гледа како групата се држи за делови од бродот кои се расфрлани по брановите. Дејвид Тејлор, архитектонски техничар од Нотингем, знаел дека нешто не е во ред кога се разбудил и видел риба како плива пред прозорецот на неговата кабина – наместо идиличен поглед на небото. Очевидците изјавиле дека морето било мирно и небото сино кога јахтата „Чарлтон Квин“ одненадеж почнала да тоне.
Зборувајќи за „The Telegraph“, господин Тејлор рекол: „Викавме помош, слушнавме како сè се руши над нас и имавме длабоко всадено чувство на страв дека се случува нешто страшно. Почувствував дека не можам да го заштитам својот син и почнав да паничам“.
Тоби Медоуз, 48-годишен моден консултант од северен Лондон, исто така бил на палубата кога јахтата почнала да тоне, и заедно со својот брат имал доволно среќа да преживее бидејќи се држел за оградата на бродот.
