На почетокот на инвазијата на Украина, Русите тврделе дека Пересвет, новото ласерско оружје, е веќе во употреба. Од Пентагон велат дека нема докази за тоа. Руските тврдења ги исмеал тогаш Зеленски и ги споредил Русите со нацисти.
Во вторникот навечер жителите на Москва, Омск и Белогород пријавиле дека гледаат чудна светлина која е забележана и во Мурманск, каде е седиштето на Северната флота и каде се наоѓаат подморнички бази со нуклеарни подморници.
Снимките од необична светлина над руските градови се рашириле на социјалните мрежи.
Руската војска засега молчи.
— zoranceran (@zoranceran2) October 5, 2022
Како што тврдат некои аналитичари, светлината можеби е последица од пречките кон извидничките сателити и дронови кои Украинците ги користат во одбрана против руската агресија.
Рускиот новинар Дмитриј Смирнов е уверен дека тоа е ново руско оружје.
„Путин го лансираше ласерското оружје Пересвет. Некои експерти велат дека овој состав создава ефект на „светлосен ѕид“ во топосферата и така ја попречува работата на оптичките состави“, напишал новинарот на Телеграм.
Some Russian war correspondents presented the natural phenomenon “Light pillar” as the newest Russian weapon “Peresvet”. pic.twitter.com/S4aVTK3bbr
— 301 Military (@301military) October 4, 2022
Што е Пересвет?
Дали навистина станува збор за ласерско оружје за кое Русија тврди дека веќе го има во активна служба? Пересвет е ласерски состав кој е наменет за борба против сателити и дронови, пишува на „Wikipedia“ каде стои и дека тоа е едно од шесте нови стратешки оружја кои Путин ги открил во 2018-та година. Тогаш изјавил дека тоа оружје ќе го воведе во употреба пред крајот на 2019-та. Воениот експерт Игор Коротченко рекол дека Пересвет може да се користи против беспилотни летала и може да ги заслепи непријателските сателити.
Русија: Го користиме тоа оружје; САД: Нема докази
На почетокот на инвазијата на Украина Русите тврдеа дека Пересвет е веќе во употреба. Заменик министерот Јуриј Борисов изјави дека Пересвет за пет секунди ја заслепува метата и потоа ја уништува со нова генерација ласерски оружја.
Пентагон тврди дека нема докази дека Пересвет е воопшто активен. Володимир Зеленски тогаш ги исмеал руските тврдења и рекол дека пропагандата може да се спореди со нацистичкиот мит од Втората светска војна.
Нацистичката пропаганда тогаш заплашувала со арсенал супероружја, но повеќето од нив останале само прототипови и не дошле ни блиску до бојното поле.
