На 11 јули фудбалерите на Италија и Англија на Вембли ќе се борат за пехарот на Европското првенство.
Азурите ќе се обидат да дојдат до вториот трофеј во историјата по тој од 1968 година, додека Англичаните никогаш не играле во финалето на шампионатот на Стариот континент.
Англија до завршницата дојде со победата над Данска која во најмала рака е дискутабилна, по одлуката на холандскиот судија Дани Мекели да досуди пенал за Англија.
There appeared to be a laser pointed at Kasper Schmeichel moments before Kane's penalty which was won while there was a second ball on the pitch during play. pic.twitter.com/xAQgNYwOi8
— ESPN FC (@ESPNFC) July 8, 2021
Освен стартот на Меле над Стерлинг во првото продолжение, детаљот кој претходел при постигнувањето на израмнувачкиот гол предизвикал сомнеж во регуларноста на натпреварот на ЕП.
Имено, на акцијата која заврши со автогол на Кјер, претходела неверојатна сцена поради тоа што пред Стерлинг се нашле две топки. Тој можел да „бира“ која ќе ја шутне.
Правилата налагаат дека судијата во тој момент требало да ја прекине играта.
По повод пеналот којшто им беше досуден на Англичаните, се огласија и менаџерите на Арсенал и Челси, Арсен Венгер и Жозе Мурињо.
„Не беше пенал. Не ми е јасно зошто судијата не побара преглед на снимката. Во такви моменти важно е судијата да биде целосно сигурен во својата одлука. А, ситуацијата не беше јасна, а ВАР го изневери судијата“, изјавил Венгер.
“It was NEVER a penalty!” ❌
“Especially at this level, the semi-final of a Euro. I don’t understand the decision.”
José Mourinho says England should NOT have been given their penalty v Denmark. pic.twitter.com/MKiEYk6K12
— talkSPORT (@talkSPORT) July 7, 2021
Мурињо дури осум пати кажа дека пеналот не постоел, во текот на „онлајн“ разговорот со англиските новинари. Меѓутоа, тој додал и дека му е драго што Англичаните се во финалето на ЕП и дека заслужено се таму.
„Тоа никогаш не е пенал. Не ја разбирам одлуката, особено на ова ниво – во полуфиналето на ЕП“, истакнал новиот тренер на Рома.
