„Симпсонови“ ја предвиделе и руско-украинската криза: Русија како СССР и Путин како Ленин

Некои сметаат дека авторите на анимираната серија „Симпсонови“ предвиделе многу настани во светот, а меѓу нив се и геополитичките амбиции на Русија.

На оваа епизода се потсетија и корисниците на социјалните мрежи, а се занимава со реинкарнацијата на Советскиот Сојуз по неговиот распад. Тие покажуваат како Русија го менува своето име во Советски Сојуз во Обединетите нации, тенкови, војници кои маршираат, обнова на Берлинскиот ѕид и оживување на балсамираниот поранешен советски лидер Владимир Илич Ленин, кој потоа вели: „Морам да го уништам капитализмот“.

Google search engine

Алузиите за Русија од оваа анимирана серија значително се однесуваат на тоа како Русија моментално се однесува кон Украина и Западот. Во овој случај, рускиот претседател Владимир Путин е олицетворен во Ленин, додека некои веруваат дека Путин повеќе личи на руски цар во 21-ви век.

Причината поради која некои ги идентификуваат Ленин и Путин е изјавата на Путин дека распадот на Советскиот Сојуз е најголемата трагедија на 20-от век. Оттука и заклучокот дека актуелниот претседател сака да ја направи Русија онаква каква што беше во времето на Советскиот Сојуз.

Не е познато што имал на ум Мет Гронинг, креаторот на „Симпсонови“ при креирањето на епизодата од анимираната серија, но успеал да предвиди одредени настани.

ПретходнаДали навистина користиме 10 отсто од нашиот мозок?
СледнаЗеленски во драматично ноќно обраќање: “Оставени сме сами, групи упаднаа во Киев, сакаат да ме убијат” (видео)