NASA на социјалната мрежа Твитер објави фотографии од примероците на земјиштето во Сибир кои што ги збунија научниците, а и понатаму нема точно објаснување за нив.
Како што се наведува, станува збор за нешто налик на темни и светли пруги, а примерокот е видлив во текот на сите четири годишни времиња, но сепак најизразен е назима поради тоа што снегот го прави повидлив.
Засега постојат две можни објаснувања за оваа појава
Дури 90 отсто од овој дел на средносибирската висорамнина е покриен со мраз кој што за кратки временски периоди се топи. Кога земјата смрзнува, одмрзнува, а потоа повторно смрзнува, деловите добиваат необични кружни или пругасти структури, објавиле научниците во списанието „Science“.
From Russia with Questions: Researchers are puzzling over a distinctive striping pattern in the Central Siberian Plateau…
It's a scientific detective story & an unresolved case… via @NASAEarth #Landsat @USGSLandsat https://t.co/9ueNFYd4zk pic.twitter.com/I7lto1G2hr
— NASA Landsat Program (@NASA_Landsat) February 26, 2021
Второто објаснување го понудил американскиот геолог Томас Крафорд. Тој изјавил дека пругите потсетуваат на седименти од карпи и ефект кој што е познат како „геологија на слоевитиот колач“.
Истиот се појавува кога снегот се топи и се слева надолу, а во тој момент ги ситни седиментите. Во текот на тој процес можат да настанат и плочи кои што изгледаат како парче слоевит колач.
Секако, во коментарите на фотографиите кои ги објави NASA, најмногу имало такви луѓе кои што овие „шини“ ги поврзуваат со вонземјани.
