Високи американски претставници, пишува Гардијан, отпатувале во Венецуела на разговори со владата на Николас Мадуро, очигледно обидувајќи се да ја натераат земјата да се дистанцира од Русија по инвазијата на Владимир Путин на Украина.
Во последните неколку години ова е првпат САД да испратат делегација на средба со претставници на режимот на Мадуро. Тие се сретнаа во саботата во главниот град на Венецуела, Каракас.
US officials fly to Venezuela for talks in apparent bid to further isolate Russia https://t.co/AJVD3XOzKt
— The Guardian (@guardian) March 6, 2022
Њујорк тајмс, повикувајќи се на анонимни американски извори, тврди дека администрацијата на Бајден била делумно мотивирана од загриженоста дека сојузниците на Русија во Латинска Америка – кои вклучуваат авторитарни режими во Куба, Никарагва и Венецуела – би можеле да станат “безбедносна закана” доколку конфликтот со Путин ескалира. Некои шпекулираат дека САД ја гледаат венецуелската нафта како потенцијална замена за рускиот увоз. Венецуела има најголеми резерви на нафта во светот и нејзиното производство расте и покрај тоа што со години е под американски санкции.
Senior U.S. officials are traveling to Venezuela on Saturday to meet with the government of President Nicolás Maduro as the Biden administration steps up efforts to separate Russia from its remaining allies amid a widening standoff over Ukraine. https://t.co/3SsZX3qTaI
— The New York Times (@nytimes) March 5, 2022
Ројтерс наведува дека не бил постигнат договор во саботата, но некои експерти веруваат дека средбата би можела да биде значајна промена во американската политика кон земјата, која е во длабока криза откако Мадуро ја презеде функцијата во 2013 година.
Кристофер Сабатини, експерт за Латинска Америка, коментира дека тоа е исто така можност за американскиот приватен сектор да се врати во Венецуела и на тој начин да ги истераат Русите.
Во последниве месеци, има се поголеми индикации дека Соединетите Држави, под Бајден, ја менуваат својата политика кон Венецуела, иако официјални лица велат дека нема да има ненадејно укинување на санкциите.
It’s not just U.S. officials meeting in Venezuela right now — it’s also key executives from MAJOR U.S. oil companies, including Chevron.
This is real, folks.
If agreements are reached, we will replace Putin’s oil with massive reserves from Orinoco region of Venezuela.
— Trish Regan (@trish_regan) March 6, 2022
Поранешната презентерка на Фокс Бизнис, Триш Реган , на Твитер коментираше дека во Венецуела моментално не се само американски функционери.
Таму се и клучните директори на големите американски нафтени компании, вклучително и Шеврон. Ова е реално, луѓе. Доколку се постигнат договори, нафтата на Путин ќе ја замениме со огромни резерви од регионот Ориноко во Венецуела – рече Реган.
САД и европските партнери размислуваат за забрана за увоз на руска нафта, рече во неделата американскиот државен секретар Антони Блинкен, нагласувајќи ја важноста од стабилно глобално снабдување со нафта.
The U.S. is in talks with European allies about potentially banning the import of Russian oil, Sec. Blinken says. https://t.co/gnDlDQbo64
— NBC News (@NBCNews) March 6, 2022
“Во многу активни разговори со нашите европски партнери за забрана на увозот на руска нафта во нашите земји, а се разбира одржување на стабилно глобално снабдување со нафта”, рече Блинкен во интервју за NBC.
Блинкен го коментираше ова откако цените на нафтата драстично пораснаа оваа недела, бидејќи САД и нивните сојузници воведоа санкции кон Русија поради нејзината инвазија на Украина.
