Американката Кориса Мекалистер (21), наставничка во една католичко средно училиште во Охајо, била уапсена бидејќи имала секс со малолетен ученик. Поради тој сексуален престап на Мекалистер сега и се закануваат до пет години затвори и парична казна од 5.000 долари.
Управата на Централното католичко средно училиште во градот Стубенвил, каде Мекалистер предавала шпански јазик и била тренер по крос кантри и асистент тренер по атлетика, соопштила дека за инцидентот дознала на 21-ви април. Тогаш во училиштето дошла мајката на ученикот и раскажала дека синот и кажал дека на 30-ти март имал секс со наставничката. Училиштето веднаш ги известило сите ученици за инцидентот, а Мекалистер била суспендирана од работа.
“Мекалистер го носела тинејџерот дома од еден атлетски митинг, одржан во училиштето Едисон Локал на 30-ти март. Попатно застанала на напуштен саемски простор во Кадиз, каде го паркирала автомобилот и во него имала секс со малолетникот”, рекол шериф Мајерс.
BREAKING: Steubenville Catholic Central High School teacher arrested for sexual battery#LiveOnNews9
FULL STORY: https://t.co/eG7GB0AKM4 pic.twitter.com/3gQdWaLL96— WTOV NEWS9 (@WTOV9) April 23, 2021
Два дена откако се дознало за овој скандал, поднесено било обвинение против Мекалистер и таа е уапсена. Во меѓувреме со кауција од 100.000 долари била пуштена да се брани од слобода, а судењето би требало да биде одржано во јуни. Доколку биде осудена, според законите на државата Охајо, и се закануваат до пет години затвор и парична казна од 5.000 долари.
За се била известена и бискупијата на Католичката црква во Стубенвил, која го финансира училиштето. Бискупот Џефри Монфортон рекол дека е шокиран со тоа што се случило.
Ќе се молам за детето, за неговото семејство, како и за сите деца од Централното католичко средно училиште и нивните родители – рекол Монфортон и додал дека бискупијата ќе им пружи помош на сите на кои таа им е потребна.
Кориса Мекалистер, според наводите на медиумите во САД, била меѓу најдобрите студентки на факултет. Студирала на Универзитетот Лорето во Пенсилванија и минатата година дипломирала шпански јазик. Добила дури и награда од Шпанија за најдобар странски студент по шпански јазик.
Во текот на студиите се занимавала со атлетика и постојано добивала медали на натпреварувањата.
