Најдобриот српски тенисер Новак Ѓоковиќ се пласираше во осминафиналето на АТП Мастерсот во Синсинати, откако на почетокот на вториот сет поради повреда, мечот му го предаде Алехандро Давидовиќ-Фокин.
Шпанецот се мачел со грбот, па решил да не го продолжи натпреварот и да ризикува со влошување на состојбата.
Во текот на првиот сет тој побарал тајмаут и помош од физиотерапевтот. Откако Алехандро заминал во соблекувалната, Новак ја искористил приликата за да се забавува со публиката.
Имено, бидејќи ситуацијата се одолговлекла, Новак повторно излегол на теренот да се загрее, а една американска дама од трибините решила да го фотографира Ѓоковиќ одблиску.
Passing the time – @DjokerNole style 😘😆#CincyTennis pic.twitter.com/vCr1si16Zw
— Tennis TV (@TennisTV) August 16, 2023
Таа дошла во првиот ред и го вперила телефонот кон Новак, а кога Србинот го видел тоа – ѝ позирал. Жената се воодушевила од таквиот потег на Новак, кој ѝ испратил и бакнеж кон камерата.
Кога завршила со фотографирањето, ги кренала рацете нагоре, веројатно сè уште не верувајќи дека го постигнала тоа што го сакала, а публиката тоа го поздравила со аплауз.
