Новата лимузина на Владимир Путин, „Aurus Senat“ наскоро ќе се најде на улиците на градот. Вредна 245.000 долари, таа претставува руски одговор на моделите на „Rolls-Royce“ и „Bentley“.
Се произведува во рускиот погон на „Aurus“ од 2013 година, но дури сега започнало сериското производство и тоа во соработка со руската компанија „Nami“ со цел да се намали влијанието на западните брендови.
„Јас патувам во вакви возила и сум бил на возачкото седиште многу пати. Ова е навистина висококвалитетно возило кое ги исполнува сите светски стандарди“, изјави рускиот претседател пред неколку дена.
Russia’s Aurus Senat Luxury Limousine Officially Enters Production https://t.co/lU1iVyh8qj pic.twitter.com/PUw2AwZI0O
— Flyin18T Motorsports (@Flyin18T) June 1, 2021
„Aurus Senat“ го придвижува 4,4-литарски V8 мотор развиен во соработка со „Porsche“. Автомобилот од 0 до 100 км/ч. стигнува за 6 секунди, погонот е на сите 4 тркала, а силата се пренесува преку 9-степен менувач.
Моделот има предна хромирана решетка и навистина потсетува на моделите на „Rolls-Royce“.
Во текот на 2021 година, компанијата „Aurus“ ќе произведе помеѓу 200 и 300 автомобили од овој модел, а почетната цена е 245.000 долари.
