Разузнавачите до Бајден: Не влегувај во војна со Русија!?

Русија не сака директен конфликт со САД, иако продолжува со напорите за дестабилизација против Украина, се вели во денешниот извештај на американското разузнавање. Извештајот се подготвува еднаш годишно и е посветен на заканите против Соединетите држави во светот, пренесе АФП.

Москва ќе продолжи да користи разни тактики оваа година за да се обиде да го ослабне влијанието на САД, да развие нови партнерства или да прави понатамошна поделба во западниот табор, се вели во соопштението на Дирекцијата за ационално разузнавање. Овие откритија доаѓаат во време кога тензиите меѓу Русија и Украина се зголемуваат.

Во поранешниот Советски сојуз, Москва е позиционирана да ја зајакне својата улога на Кавказ, да интервенира во Белорусија ако смета дека е потребно и да ги продолжи своите напори за дестабилизација на Украина додека запираат преговорите и продолжуваат ограничените судири, се вели во документот.

Сепак, очекуваме Москва да бара можности за прагматична соработка со Вашингтон, според нејзините услови, и веруваме дека Русија не сака директен судир со американските сили, се вели во документот на 27 страници.

Исто така, предупредуваат дека авганистанската влада ќе има тешкотии да се спротивстави на талибанците доколку меѓународната коалиција се повлече од Авганистан оваа година.

Во извештајот се вели и дека стремежот на Кина за глобално влијание е водечка закана за националната безбедност на САД, објави Ројтерс.

Во извештајот се наведени и Иран и Северна Кореа како големи закани за Соединетите држави. Иран ќе претставува постојана закана за Соединетите држави и сојузничките интереси на Блискиот исток, работејќи на поткопување на американското влијание, се вели во него. Северна Кореа ќе претставува зголемена закана за Соединетите држави, Јужна Кореја и Јапонија бидејќи ќе ги надгради своите конвенционални можности. Интересот на Пјонгјанг за развој на оружје за масовно уништување ќе остане предмет на голема загриженост, се вели во документот.