Протекоа детали за потопената руска гордост: “Ова е страшната вистина која Кремљ ја крие”

Потонатиот руски ракетен крстосувач Москва, командниот брод на руската Црноморска флота, веројатно спасил само неколку десетици луѓе пред да биде потопен од украински ракети на почетокот на оваа недела, покажуваат најновите извештаи, пишува Телеграф. На бродот имало екипаж од 510 луѓе.

На руската армија и требаше речиси цел ден да ја признае срамната загуба на својата најголема гордост.

Реклама

Русите продолжуваат да тврдат дека ракетниот крстосувач Москва потонал во бурните води по пожари и експлозии предизвикани од муниција складирана на бродот. Руското Министерство за одбрана соопшти дека Москва потонала додека се обидувала да стигне до пристаништето при бурно време.

Но, САД потврдија дека бродот бил погоден од две украински ракети Нептун и дека токму тоа го предизвикало пожарот и потонувањето на крстосувачот.

Руските власти, исто така, тврдеа дека сите 510 членови на екипажот на Москва се евакуирани и транспортирани на безбедно во Севастопол на Крим, кој Русија го анектираше.

Во написот објавен од руската државна новинска агенција Тас првично се тврдеше дека “целата екипа” е евакуирана. Но, подоцна зборот “цело” беше отстранет од текстот. Но, речиси два дена откако бродот потона, сè уште нема траги од некој од наводно преживеаните членови на екипажот.

Во случај најголемиот дел од екипажот да умре, овој инцидент би можел да биде најголемата поединечна руска воена загуба од Втората светска војна и без сомнение најголема загуба во војната во Украина.

Руската државна телевизија засега не објави снимки или фотографии од членовите на екипажот кои наводно безбедно се вратиле дома, што е многу необично.

Но, неколку десетици луѓе се собраа во петокот на бдение на плоштадот во Севастопол. На погребниот венец поставен под споменикот на руската морнарица пишуваше „За Москва и нејзината екипа“. Но, не се знае што се случило со нив.

Десетици луѓе наводно биле спасени од бродот пред да потоне. Литванскиот министер за одбрана Арвидас Анусаускас изјави дека најмалку 54 лица се евакуирани во турски брод по повикот за помош испратен од Москва во раните утрински часови во четвртокот.

Висок претставник на американската одбрана во петокот изјави за новинарите дека Вашингтон верува дека има повеќе жртви во несреќаѕа, но одби да даде дополнителни детали. Украинските власти тврдат дека никој не бил спасен од бродот и дека меѓу загинатите е и капетанот Антон Куприн.

-Видовме дека други бродови се обидоа да им помогнат, но не можеа да се евакуираат и да го спасат екипажот поради невремето, изјави портпаролката на армијата во јужна Украина.

Советникот на украинскиот министер за внатрешни работи Антон Герашченко изјави дека “експлозијата во Москва била толку силна што бродот потонал за само неколку минути. Руските власти ја кријат вистината од семејството и пријателите на членовите на екипажот. Сите од Москва беа убиени”, рече тој.

Загубата на Москва е особено непријатна за рускиот претседател Владимир Путин, кој е исклучително горд на руската морнарица. “Путин ја сака својата морнарица. Кога дојде на власт, првото нешто во кое инвестираше беше морнарицата”, изјави поранешниот шеф на британската кралска морнарица. И официјален претставник на Пентагон вели дека уништувањето на Москва е “голем удар” за Кремљ. – А тука е и аспектот на гордоста, додаде тој.

Крстосувачот Москва, инаку, има симболично значење за Украина бидејќи учествуваше во првите денови од инвазијата во нападот на Змискиот остров во Црното Море, во близина на романската граница, каде што беа заробени 19 припадници на украинската морнарица. а подоцна разменети за руски затвореници.

Ракетниот крстосувач од класата Слава, со седиште во Москва, беше трет по големина брод во руската активна флота и еден од нејзините најтешко бранети објакти, изјави за Би-Би-Си поморскиот експерт Џонатан Бентам од Меѓународниот институт за стратешки студии .

Крстосувачот бил опремен со трислоен систем за против-воздушна одбрана кој, доколку правилно функционирал, требало да му даде три можности за одбрана од ракетните напади од типот Нептун.

Покрај ракетната одбрана со среден и краток дострел, одбраната вклучуваше шест системи за радарски контролирани против-воздушни топови со голема брзина (CIWS) како последно средство за ракетна одбрана.

Реклама