Американските маршали убиле едно лице при обид за апсење во Минеаполис, а станува збор за осомничен од државна потерница.
Овој настан предизвикал мал протест во градот кој се уште го оптоварува полициското убиство на Афроамериканецот Џорџ Флојд.
“Во текот на инцидентот, субјектот кој бил паркиран со автомобилот не го почитувал предупредувањето и покажал оружје, што резултирало со тоа припадниците на специјалните единици да пукаат во него”, се наведува во соопштението на Маршаловите сили, пренесува “Reuters”.
Не се наведува кои сили на редот учествувале во инцидентот, но меѓу нив немало членови на градската полиција, чии припадници го убиле Џорџ Флојд пред една година.
HAPPENING NOW – Police left around 9:15pm and opened Lake St. back up and protesters quickly shut it down again, pulling trash cans and dumpsters into the street and setting one of them on fire #wcco @WCCO pic.twitter.com/oyPlKYXnzS
— Marielle Mohs (@MarielleMohs) June 4, 2021
Полицајците се обиделе да го реанимираат мажот, но лекарите на самото место го прогласиле за мртов. Жената која била во автомобилот со осомничениот се здобила со помали повреди од скршеното стакло.
Очевидците велат дека слушнале десетина истрели.
