Поради скандал со вакцините, во Словачка падна владата

Владата на премиерот на Словачка Игор Матович денеска поднесе оставка со цел да ја ублажат политичката криза предизвикана откако се откри дека тајно набавиле вакцини против ковид-19 од рускиот производител.

Тоа е првата европска влада која паѓа поради пандемијата. Коалициските партнери на Матович ќе останат како дел од владата, за да се избегне организирање на нови предвремени парламентарни избори.

Реклама

До политичката криза во словачката влада дојде откако на почетокот на март беше обелоденето дека преку таен договор владата договорила да набави 2 милиони дози од руската вакцина „Спутник В“. За овој договор не биле известени коалиционите партнери на Матович, па под нивни притисок тој прифати да даде оставка од премиерското столче.

Словачка е сериозно погодена од пандемијата на коронавирусот. Досега се регистрирани над 359 илјади случаи на ковид-19, од кои 9 624 починаа. Во моментов имаа околу 95 илјади активни случаи.

Реклама