Популарниот Salt Bae објави сметка од неговиот ресторан, па ги шокираше луѓето: „Не го плаќаат квалитетот туку сопствената глупавост“

Турскиот готвач и месар Нусрет Гокче објавил фотографија од сметка од неговиот ресторан во Абу Даби. Имено, гостите платиле речиси 170 илјади долари.

На сметката била наведена вечера за 14 лица. Некои од јадењата кои биле нарачaни се следните: говедски carpaccio, месо „златен Отоман“, месо „златен Истанбул“, „златна“ баклава итн. Гостите пиеле вино Petrus, негрони, коњак Луис XIII…

Google search engine

„Квалитетот никогаш не е скап“, напишал Нусрет во описот на фотографијата која ја објавил на социјалната мрежа Инстаграм.

 

View this post on Instagram

 

A post shared by Nusr_et#Saltbae (@nusr_et)

Иако на богатите очигледно не им претставува никаков проблем да издвојат многу пари за вечера, на многу од следбениците на Нусрет им пречело тоа што тој се фали со парите кои ги заработил.

„Колку ги плаќаш своите келнери? 15 долари од час?“, напишал некој корисник на Инстаграм.

„Тоа не е квалитет, тоа е поткрадување на луѓето. Цените се катастрофални“, додал друг корисник.

„Тие не го плаќаат квалитетот на храната туку сопствената глупавост“, додал трет корисник.

Да ве потсетиме, во јуни ресторанот на Нусрет во Лондон бил прогласен за еден од најлошите. Посетителите сметаат дека храната не вреди за цените по кои се продава.

 

- АУДИО РЕКЛАМА -