Во селото Шепшин кај Младеновац полицијата го пронашла „мерцедесот“ од кој У.Б. (21) во доцните вечерни часови на 4 мај пукал во невини селани од Мало Орашје и Дубона. Покрај оружје, во него бил пронајден и ранец за достава на храна.
Возилото било скриено на околу еден километар од главниот пат. Жителите на Шепшин, но и на околните села се посомневале дека автомобилот на Урош е на еден од земјените патишта во Шепшин, но претпоставувале дека е заглавен.
Во автомобилот биле пронајдени три празни чаури за автоматска пушка, неколку рачно изработени бомби, многу муниција и пиштоли.
Друг детал, кој не остана незабележан, е дека во автомобилот имало и ранец кој се користи за достава на храна. У.Б. со себе го имал ранецот за, доколку биде запрен од полицијата при неговото бегство, да се прикаже како доставувач кој случајно се нашол на тој пат.
Потсетуваме дека Урош го започна масакрот во селото Мало Орашје. Таму го убил М.М. (18), А.М. (18), Н.М.(15), Л.М. (20) и Н.С. (21).
Во село Дубона ги убил полицаецот М.П., неговата сестра К.П. и Д.Т. Потоа побегнал и се ослободил од пиштолот, автомобилот и мобилниот телефон.
Од куќа во село Шепшин украл автомобил со кој се упатил кон Мали Пожаревац, каде запрел таксист и под закана со бомба го принудил да го однесе во селото Вињиште кај Крагуевац.
