Неколку гробници и оловен саркофаг кој веројатно датира од 14-ти век ги откриле археолозите во париската катедрала Нотр Дам во текот на редовната реставрација, соопштило француското Министерство за култура.
Во текот на подготовките за работата за обнова на катедралата Нотр Дам која беше тешко оштетена во пожар во 2019 година, откриена е некропола со „неверојатно научно значење“ на централното место, соопштено било од Министерството за култура.
Меѓу гробниците имало и „целосно сочуван саркофаг во облик на човечко тело направен од олово“, додадено е во соопштението.
Ковчегот можеби бил направен за „повисок достоинственик“ и веројатно датира од почетокот на 14-ти век по градењето на катедралата.
Покрај гробницата, елементите насликани на скулптурата пронајдени биле под сегашното ниво на подот на катедралата, а идентификувани биле како делови на оригинален кровен параван од 13 век.
Другите делови од структурата кои биле уништени на почетокот на 18 век, откриени биле во текот на реставрацијата на Нотр Дам во средината на 19 век и веќе се изложени во Музејот во Лувр.
Француските истражувачи извршиле најново археолошко ископување пред да се постави скелето за обнова на катедралата.
Археолошкото истражување ќе продолжи до 25 март, соопштиле од Министерството за култура.
