Падот на Авганистан објаснет за 41 секунда: Дали Американците навистина вака ги обучувале Авганистанците?

Откако талибанците со молскавична брзина ја презеле контролата над Авганистан, додека американските сили се повлекуваат од земјата, многумина се прашуваат како тоа им успеало.

Сега на интернет повторно се споделуваат стари видеа од тоа како Американците наводно ги обучувале авганистанските трупи.

Google search engine

На снимките наводно се гледаат авганистански војници кои се мачат додека се обидуваат да направат едноставна кардио вежба која им ја покажува инструктор од американската војска.

Некои од нив никако не успеваат да сфатат што треба да направат и дека во скок треба да ги рашират нозете и рацете, а да ги соберат при доскок.

Снимката повторно стана популарна на социјалната мрежа Твитер каде било коментирано „падот на Авганистан објаснет за 41 секунда“.

Засега не е можно да се потврди автентичноста на оваа снимка, но истата е направена во 2017 година и објавена на „Military.com“, како и на многу други медиуми.

Некои пишуваат дека станува збор за авганистански војници, а други дека снимката настанала во Ирак.

 

Постојат повеќе снимки со слична содржина на интернет, главно се стари 10-на години, а на нив исто така се гледа неуспешно изведување на обични вежби кои кај нас на шега можат да се изведат.

Да ве потсетиме, талибанците за само неколку месеци презедоа контрола над цел Авганистан, по што американската војска ја заврши својата мисија во таа земја.

Американската војска таму беше 20 години и ги обучуваше своите авганистански колеги како би се бореле против талибанците.

ПретходнаПодмладете го организмот со овој природен лек
СледнаОрландо Блум се разголи како од мајка роден и го “израдува” женскиот пол