Црвен Ѕвезда ја победи Валенсија во 31-то коло од Евролигата и сè уште ги задржа теоретските шанси за пласман во ТОП 8 елитното натпреварување.
Меѓутоа, после натпреварот не се зборувало за мајсториите на спортистите, туку за Новак Ѓоковиќ.
Најдобриот тенисер на светот, иако така не пишува на АТП листата, повторно ги бодрел црвено-белите, но овојпат бил во центар на внимание и по завршувањето на дуелот во салата „Александар Николиќ“.
Frenzy over Novak at halftime. #Djokovic pic.twitter.com/OEUnMuqkaX
— Saša Ozmo (@ozmo_sasa) March 29, 2023
Новак Ѓоковиќ се фотографирал со младите навивачи на Црвен ѕвезда, а потоа од џебот извадил 100 ера и ги ставил во џебот на еден од нив. Сите се прашувале зошто го направил тоа, а набрзо потоа следело објаснување.
Во редакцијата на српски „Курир“ се јавил еден од нив и разјаснил што навистина се случило.
Имено, тој и неговото друштво во близина на салата ја нашле платежната картичка на Новак. Веднаш потоа тргнале да му ја вратат, а обезбедувањето им дозволило да му пријдат на тенисерот и да му ја вратат картичката.
Кога му пришле, Новак се израдувал и срдечно ги поздравил, што може да се види на видеото.
„Тоа сте вие момци. Ви благодарам многу. Секоја чест за вас“, им рекол Ѓоковиќ на младите момчиња кои од него побарале само да се фотографираат.
