Оглас за издавање стан во Нови Сад ги насмеа корисниците на социјалните мрежи…

Еден оглас за издавање стан во Нови Сад стана хит на социјалните мрежи поради вртоглавата цена.

На Фејсбук групата „Издавање станова Нови Сад“ се појавил оглас во кој стоело: „Издавам стан дуплекс, 89 квадратни метри. Издавањето е 790 евра (депозит за 2 месеци) – можност за договор“.

Реклама

Станот поседува кујна, купатило, дневна соба и трпезарија како и тераса и поткровје со 3 соби. Меѓутоа, на фотографиите се гледа дека истиот е во лоша состојба и дека цената е очигледно превисока.

„Има кревети на спрат, теретана во склоп на станот, значи реална цена“, „Доколку претераш со појадокот, теретаната ти е на половина метар од масата. Таман“, „Милјето е гратис“, „800, задржи го кусурот“, гласат шегите на социјалните мрежи.

Сопственикот додал дека станот може да се издава опремен, но и без мебел. Моментално е во фаза на бојадисување, а станарите можат да се вселат кон крајот на овој месец.

 

Реклама