Најмалку 50 метри цевки од гасоводот Северен тек 1 се разнесени во експлозија, покажува видеоснимката од подводниот дрон која ја објавил шведскиот весник „Expressen“.
Полицијата во Копенхаген и норвешките инспектори заклучиле дека станувало збор за „моќна експлозија“, пренесуваат европските медиуми.
И натаму не се знае кој или што ја предизвикало експлозијата на гасоводите Северен тек 1 и 2, кои ги спојуваат Германија и Русија.
Падот на притисокот во цевките е забележан на 26-ти септември, по што е утврдено дека протекува гас во Балтичкото море во данските води.
Кратко потоа протекла и цевката на гасоводот Северен тек 2.
Од тогаш владите на западните земји и Русија индиректно се обвинуваат за саботажа на овој гасовод.
Гас не се испорачува преку Северен тек 1 уште од август, иако цевката останала наполнета со гас, додека Северен тек 2 никогаш не ни проработел.
video of the damaged Nord Stream pipelines, shot by an underwater drone operated by @Expressen. Copenhagen police and Norwegian investigators said today that the damage was caused by “powerful explosions.” pic.twitter.com/7XKq4XIuQT
— Mike Eckel (@Mike_Eckel) October 18, 2022
