Европскиот центар за контрола и превенција на болести објави нова корона-карта на Европа, која ја ажурира секој четврток.
Боите за поединечни подрачја се одредуваат со комбинација на потврдени случаи на зараза во изминатите 14 дена на 100.000 жители и процентот на тестирана популација, а врз основа на оваа карта секоја земја може да ги заостри условите за влез.
Што се однесува до овонеделната карта, и понатаму ниту една земја не се наоѓа во зелена зона, а ситуацијата уште повеќе се влошила.
Како и во претходниот период, преовладуваат црвените и темноцрвените зони додека малобројни делови од Европа се наоѓаат во портокалова зона.
Updated 🚦 maps are online!
These maps aim to support the @EUCouncil recommendation on travel measures in the EU during #COVID19 pandemic.
Color-blind friendly map in the next tweet.https://t.co/CcBVx6B0o5 pic.twitter.com/fbQfkV8Fmt
— ECDC (@ECDC_EU) December 2, 2021
Меѓутоа, за разлика од минатата недела кога поголемиот дел од Италија беше во портокалова зона, оваа недела неколку регии преминале во црвена зона.
За потсетување, црвената боја значи дека бројот на активни случаи во последните 2 недели е помеѓу 75 и 200, а уделот на позитивни тестови на Ковид-19 е 4% или повеќе и вкупниот број на случаи за 14 дена е поголем од 200, но помал од 500.
Со темноцрвена боја се обележани оние подрачја кои во 14 дена имаат вкупно 500 или повеќе активни случаи. Бројките се следат во однос на 100.000 жители.
