Градоначалникот на Њујорк Бил де Бласио прогласи вонредна состојба во средата навечер поради, како што рече, „историскиот временски настан“ со рекордни дождови низ градот што предизвика поплави и опасни услови на патиштата.
Речиси сите линии на метрото во Њујорк беа прекинати доцна навечер во средата, бидејќи остатоците од тропската бура Ида донесоа силен дожд и закана од поплави и торнада во делови од Северниот Атлантик, објави претходно Си-Ен-Ен.
New York City metro train is getting flooded by hurricane Ida pic.twitter.com/uNRFbDFn2w
— Ragıp Soylu (@ragipsoylu) September 2, 2021
Во средата вечерта, Националната метеоролошка служба прогласи најмалку пет вонредни ситуации поради поплави во областа западно од Филаделфија до северот на Њу Џерси.
Гувернерот на Њу Џерси, Фил. Марфи, исто така, прогласи вонредна состојба поради Ида. Најмалку едно лице загина во поплавите во Пасаик, Њу Џерси.
Widespread reports of water rescues, trapped commuters in vehicles and subway trains in New York City metro area as historic flooding hits region pic.twitter.com/zycCTkG2j9
— Factal News (@factal) September 2, 2021
Штетата предизвикана од бурата Идо ги запрепасти службениците во средата, три дена откако силниот ураган го погоди јужна Луизијана, бидејќи разузнавачките летови открија дека цели заедници се уништени од ветрови и поплави.
Торнадото предизвикано од бурата опустоши делови од Пенсилванија и Њу Џерси, покажаа снимките на социјалните мрежи.
Аеродромот Њуарк Либерти во Њу Џерси објави на Твитер дека доживува „сериозни поплави“. Во соопштението се додава дека „ограничените летови“ продолжија околу полноќ, откако сите беа прекинати доцна во средата.
Њујорк, исто така, доживеа поплави, а снимките на социјалните мрежи покажуваат поплавени метро и железнички станици.
Услугата на метрото беше „крајно ограничена“ поради поплавите, соопшти градската управа за сообраќај.
Спасувачките тимови ги евакуираат луѓето од станиците на метрото, а во големи проблеми се и посетителите на тенискиот турнир УС Опен во Квинс, на кои властите во Њујорк им организираат превоз до нивните домови.
Градоначалникот на Њујорк ги повика луѓето да не излегуваат.
Ве молиме, останете надвор од улиците вечерва и оставете ги нашите служби за итни случаи да ја завршат својата работа. Ако размислувате да излезете, немојте. Останете подалеку од метрото. Тргнете се од патиштата. Не возете во ова лошо време.
Останете дома, напиша тој на Твитер.
