Постојат осум познати планети во Сончевиот систем откако Плутон го загуби тој статус, но научниците имаат докази дека постои друга, деветта планета. Таа планета досега не е откриена, но научниците сега се на работ да ја решат најголемата мистерија на нашиот сончев систем, каде се наоѓа деветтата планета.
Деветтата планета треба да се наоѓа на надворешната периферија на Сончевиот систем, но астрономите не успеаја да ја лоцираат и откријат, иако имаат научни докази дека таа постои, благодарение на нејзиното гравитационо влијание.
Кога нешто гравитациски влијае на планета, астрономите лесно можат да пресметаат каде се наоѓа. Така е откриен Нептун, кога Џон Кауч Адамс и Урбан Леверје одделно забележале дека непозната планета влијае на Уран.
Во случајот на деветтата планета, нема гравитациски ефект на друга планета. Меѓутоа, она што се забележува е групирањето на мали ледени небесни тела во надворешниот појас на Сончевиот систем, познат како Кајперов појас.
Ако нема планети зад Кајперовиот појас, овие небесни тела би биле случајно ориентирани во орбиталната рамнина на Сончевиот систем. Меѓутоа, наместо тоа, овие објекти се групирани во иста насока. Иако е можно ова да е случајно групирање, тоа е малку веројатно.
Во новото истражување базирано на статистичките податоци за групирање на небесни тела во Кајперовиот појас, научниците утврдиле дека се наоѓа под влијание на неидентификувана планета во надворешниот дел на Сончевиот систем. Според нивните пресметки, таа планета е голема колку пет Земји и е 10 пати подалеку од Сонцето отколку Нептун.
Научниците велат дека досегашните набудувања исклучиле некои од можните локации за деветтата планета, па со стеснување на опциите, таа би можела да се открие во блиска иднина, благодарение на опсерваторијата Вера Рубин.
Многу астрономи, од друга страна, тврдат дека деветтата планета воопшто не постои, но новата студија покажува дека овој спор нема да постои долго време, бидејќи планетата ќе биде откриена, или нејзиното постоење ќе биде исклучено, пишува Juniver today.
