Компанијата за изградба во вселената “The Gateway Foundation” споделила кратко видео за визијата како ќе изгледа нивниот хотел.
Хотел во вселената звучи како нешто од научно-фантастичен филм, но една компанија сака таа идеја да ја претвори во реалност до 2030-та година.
Компанијата за изградба во вселената “The Gateway Foundation” споделила кратко видео за визијата како хотелот ќе изгледа.
Планирани се луксузни спални соби со поглед на Земјата, ресторани, теретани, па дури и простор во кој гостите ќе можат да уживаат во концерти.
Би можело да се каже дека изградбата на хотелот кој засега го носи името “Voyager Station”, е идеја надвор од овој свет.
Ќе содржи голема дневна соба со раскошен простор за уживање и несекојдневен поглед на вселената и Земјата, како и ресторан во кој ќе се служат гурмански специјалитети.
Хотелските соби ќе имаат брачни кревети, бањи и што е најважно – прозорци.
Уште не е познато колку би можел да чини престој во овој хотел, но дефинитивно нема да биде евтино.
