Во вашата куќа, без оглед дали е стара или нова, се таложат отрови. Тие се наоѓаат во фарбите, пластиките, теписите, мебелот, растворите за чистење и сл. Но за среќа природата има начин како да го реши тоа. Некои билки по природен пат можат да ги прочистат сите загадувачи во домот. Набавете ги овие пет цвеќиња…
Фикус
Фикусот е зимзелена билка која потекнува од Индија. Истражувањата покажаа дека фикусот е посебно добар за отстранување на формалдехидот од воздухот.
Бамбусова палма
Бамбусовата палма е уште една од клучните билки кои го прочистуваат воздухот. Освет тоа, таа ги брка и инсектите. Бамбусовата палма од воздухот го отстранува бензенот, формалдехидот, хлороформот, јагледор-моноксид и ксиленот.
Бршлен
Бршленот е зимзелена билка ползавец која одлично се прилагодува во внатрешните услови. Лесно се одгледува и не и е потребна голема светлина. Бршленот, освен за прочистување на воздухот, добар е и за отстранување на алергените како што е мувлата и животинскиот измет. Од воздухот ги елиминира јаглен-моноксид, формалдехид и трихлороетилен.
Ѓаволски бршлен
Ѓаволскиот бршлен може да се насади во декоративна саксија или во висечка корпа. Потребна му е мала светлина, а ако има повеќе светлина, листовите ќе му шаренеат.
Хризантема
Хризантемата е еден од најдобрите цветови за прочистување на воздухот. Таа технички не е домашно цвеќе но може да трае и во домашни услови до шест недели. Кога ќе се исуши, заменете ја со нова. На хризантемата и е потребна голема светлина, но не директна, како и многу влага. Го прочистува воздухот од формалдехиди, ксилен, бензен и амонијак.
