Кајли Џенер одлучила со своите милиони следбеници на Инстаграм да сподели не толку убави моменти од нејзиниот живот.
Шест недели поминаа од нејзиното породување, а таа дури сега открила дека се бори со постпородилна депресија.
На Инстаграм-стори објави видео во кое раскажа како се чувствува.
„Не е лесно. Овојпат ова искуство за мене е многу потешко од кога ја родив ќерка ми. Не ми е лесно ниту ментално, ниту физички, едноставно е лудо. Не сакав само така да се вратам во јавниот живот без да кажам било што, бидејќи сега имаме пристап до интернет и можеме да кажеме низ што поминуваме, за да слушнат и другите мајки. Мене не ми беше лесно. Во ред е да не бидеш добро. Сфатив дека сама на себе си создавав притисок. И секогаш се потсетувам себеси дека родив прекрасно, здраво момче. Мора да престанеме да се притискаме себеси. Не само физички, туку и психички“, раскажала Кајли.
View this post on Instagram
Кајли Џенер инаку на почетокот на февруари роди син, на кој му го дала името Вулф Вебстер.
Ова е нејзино второ дете со раперот Травис Скот. Тие двајца исто така ја имаат и четиригодишната ќерка Сторми, која е родена на 1-ви февруари.
