Многу земји беа изненадени од брзината со која Талибанците го освоија целиот Авганистан.
Словенечкиот премиер Јанез Јанша ја опиша ситуацијата во Авганистан и предавањето модерно оружје на Талибанците како „најголем пораз во историјата на НАТО“.
Јанша на Твитер рече дека оставањето на авганистанските сојузници на Талибанците е „терор“ и „срамен чин“.
Kaos v Afganistanu in predaja sodobne oborožitve za 300.000 mož Talibanom je doslej največji poraz za #NATO v zgodovini. Kot del zavezništva smo zanj soodgovorni. Prepuščanje afganistanskih zaveznikov terorju Talibanov pa je sramotno dejanje. Vse skupaj simbol konca neke dobe. https://t.co/JM9wvpQBgW
— Janez Janša (@JJansaSDS) August 16, 2021
Сето тоа е симбол на крајот на една ера – изјави Јанша, пренесува АП.
Администрацијата на претседателот на САД, Џо Бајден и повеќето од меѓународната заедница беа запрепастени од брзината со која Талибанците ја освоија територијата на државата, го зазедоа Кабул и ја презедоа власта, што доведе до општа паника и обиди за бегство од аеродромот во главниот град на Авганистан.
