Меркел во посета на најпогодените oбласти: Во јазикот немаме зборови со кои може да се опише ова уништување

Германската канцеларка Ангела Меркел за време на посетата на поплавените германски региони изјави дека ситуацијата е надреална и застрашувачка, додавајќи дека Владата итно ќе ги разгледа климатските проблеми.

„Германија е силна земја и ние ќе се спротивставиме на силите на природата на краток рок, но исто така и на среден и на долг рок со обликување на политика што ќе ги земе предвид природата и климата, повеќе отколку што тоа го правевме во последните години“, рече германската канцеларка по пристигнувањето во местото Шулд во регионот Арвејлер.

Google search engine

Таа посочи дека властите брзо ќе обезбедат финансиска помош за погодените од катастрофалните поплави.

„Шокантно е. Можам да кажам дека во германскиот јазик скоро и да немаме зборови за уништувањето што се случи“, ја цитираат германските медиуми изјавата на канцеларката.

Меркел и премиерката на Рајнска област-Пфалц, Малу Драјер, ветија тесна координација меѓу германската сојузна и покраинските влади.

„Затоа што не можеме да го направиме ова сами. Одлично е што германската канцеларка е денес тука“, рече Драјер.

Подготвеноста на локалното население да помогне е многу голема, додаде таа.

Најмалку 156 лица загинаа во Германија од вторникот по катастрофалните поплави што ги погодија западните покраини Северна Рајна-Вестфалија и Рајнска област-Пфалц.

Според Меркел, владата ќе се состане на 21 јули за да состави пакет мерки за помош за областите погодени од поплавата.

ПретходнаИнтересни факти за светската популација: Секој трет човек живее во Кина или Индија, каде има најстаро а каде најмладо население…
СледнаВидео: Граѓаните загрижени по појавата на торнадо во битолско Живојно