Во новиот проект на серијалот Црна Вдовица на Марвел игра македонската актерка Симона Живковска која гради меѓународна кариера по преселбата од Македонија во Велика Британија.
Живковска во сцените од филмот глуми на македонски јазик што е раритет за вакви холивудски “блокбастери” кои заработуваат стотици милиони долари на кино благајните.
“Ни преостанува помалку од еден месец! Едвај чекам да го видите ова!”, пишува Живковска давајќи ја информацијата дека во филмот таа зборува на мајчин јазик – македонски.
The Widows in action 🎬
We have less than a month left! I can’t wait for you guys to see this!
(News is also out that I’m speaking my mother tongue – Macedonian) 🇲🇰🕷🤍#blackwidow #marvel pic.twitter.com/yhGZr0WmDh
— Simona Zivkovska (@simonazivkovska) June 11, 2021
Во видеото јасно се слуша дека во хитот во кој главна улога игра една од најплатените холивудски актери Скарлет Јохансон македонската актерка зборува на македонски јазик.
Симона Живковска работи во Велика Британија а освен македонско има и западноиндиско потекло поради нејзиниот татко кој е од Свети Мартин.
Симона е родена во Скопје, Република Македонија , поранешна Југославија а се преселила во Велика Британија за време на раните детски години во 2001 година.
Својата прва ТВ работа Симона ја добила на 17 години на почетокот на 2012 година за потоа да ја игра главната жена во критикуваната драма на Би-Би-Си „Моето убиство“ (во режија на Брус Гудисон), стои во биографијата на Живковска.
