Фајза Ламари, мајката на најдобриот француски фудбалер Килијан Мбапе, предизвика невиден метеж на социјалните мрежи.
Килијан игра во одлична форма во Катар и е на добар пат да ја одбрани титулата светски шампион со Франција. Неговата репрезентација се пласираше во полуфиналето, а напаѓачот на ПСЖ моментално е најдобар стрелец на Светското првенство со пет гола.
Сепак, по големиот триумф над Англичаните, во центарот на вниманието не беше Мбапе, туку неговата мајка Фаиза, која со една фотографија предизвика бурни реакции на социјалните мрежи.
Имено, за време на четвртфиналниот натпревар, Фејза позираше со навивач на Англија, а ништо немаше да биде чудно доколку тој не беше облечен во дресот на Ливерпул и ако мајката на Мбапе гордо не го впереше прстот кон клубот од Енфилд.
Ok just to put a brightener on the England loss for liverpool fans.. this is my boy.. I will not say what she said but this is @KMbappe mum @LFCTransferRoom @TheRedmenTV 🫡😜 #LFC #ENGFRA pic.twitter.com/mg6cU6hU8S
— Derry Mensah DonD3zy (@TheRiskOffic) December 10, 2022
Секако, нејзиниот потег веднаш предизвика хаос. Веднаш почнаа шпекулациите дека Мбапе планира кариерата да ја продолжи во Ливерпул.
Наместо за полуфинале, сите почнаа да зборуваат за потенцијалниот експлозивен трансфер на најдобриот играч на Пари Сен Жермен. Мајката веднаш се најде на удар на критиките за овој непромислен потег, бидејќи навивачите на Франција сметаат дека на Мбапе не му требаат вакви приказни пред решавачките натпревари на Мундијалот.
Да потсетиме, Фејза Ламари е и агент на нејзиниот син и пред неколку месеци беше во центарот на вниманието при потпишувањето на новиот договор со парижаните. Наводно таа е „најодговорна“ за неуспехот на неговиот трансфер во Реал Мадрид.
Таа имаше некои луди барања кои Мадрид не сакаше да ги прифати. Мбапе на крајот го продолжи договорот до 2025 година, но долго време се шпекулира дека тој е несреќен во Париз и сака промена на сценографијата.
