Еден неименуван маж од Велика Британија ја понесе неславната титула на најголем баксуз на светот откако успеал да уништи целосно ново „Ferrari 488“, вредно повеќе од 300.000 долари, и тоа само што излегол од автосалонот.
По само 3 километри возење на црвениот луксузен спортски двосед, тој бил единствениот учесник во сообраќајната несреќа која се случила во англискиот град Дерби. Фотографијата на социјалните мрежи ја споделила полицијата од овој британски град.
„Дерби. Први април. Возачот купил „Ferrari“ изутринава и го удрил по возење помалку од 3 километри. Нема повредени“, пишува во објавата на сообраќајната полиција.
Derby. 1st April. Driver bought a Ferrari this morning and crashed it after driving it less than 2 miles. No injuries. #DriveToArrive pic.twitter.com/X4IMuflPa5
— Derbyshire Roads Policing Unit (@DerbyshireRPU) April 1, 2022
Претставник за медиумите од полицијата навел дека добиле повик од Итната служба нешто пред 11 часот. Во сударот учествувало само едно возило.
За среќа, освен оштетениот автомобил, во несреќата немало повредени. Како што се наведува, несреќниот маж по ваквата случка го одвел моќното „Ferrari“ на поправка.
