Ковид мерките во Австралија предизвикуваат гнев кај населението, половина држава затворена

Повеќе од 13 милиони Австралијци, односно околу половина од населението, се наоѓаат во блокада по најновите воведени рестриктивни мерки за сузбивање на ширењето на делта-сојот на коронавирус и мерките предизвикаа гнев кај населението, пренесува Би-Би-Си.

Државата Јужна Австралија, каде што живеат 1,7 милиони луѓе, вчера се приклучија кон државите Викторија и Нов Јужен Велс во врска со воведувањето на рестриктивни мерки.

Google search engine

Жителите на Јужна Австралија ќе мора да останат во своите домови седум дена, откако таму се заразени пет лица.

Бесот н жителите во Австралија полека расте поради стратегијата на затворање, а за двата најголеми града Сиднеј и Мелбурн, останува непознато кога ќе бидат повторно отворени.

Според медиумите, до неодамна, Австралија беше широко пофалена за стратегијата за затворање на границите, програмите за карантин и брзите заклучувања, а помалку од 1.000 смртни случаи беа регистрирани од почетокот на пандемијата.

Сепак, брзото ширење на многу заразниот делта-сој создаде нови предизвици за земјата и ја истакна ниската стапка на вакцинација, додаваат британските медиуми.

Постојат стравувања дека затворањето на Сиднеј може да трае до септември, бидејќи моделите покажаа дека на градот можеби ќе му требаат месеци за да го достигне денот кога нема да биде забележан нов случај од коронавирус.

ПретходнаУапсен милијардерот Томас Барак
СледнаСпектакуларен грабеж на дијаманти вредни 4 милиони фунти: Измамничка со трик заменила дијаманти со безвредни камчиња