Која е луксузната палата каде се одржуваа украинско-руските преговори: Внатрешноста вреди 35 тони злато

Украинско-руските преговори во Истанбул започнаа денеска околу 9 часот и 30 минути во палатата Долмабахче во Истанбул. Пред почетокот на разговорите, на домаќините на двете земји им се обрати домаќинот, турскиот претседател Реџеп Таип Ердоган.

Според турските медиуми, руската делегација пристигнала во Истанбул во понеделникот во 16 часот, а украинската делегација пристигнала подоцна истата вечер. Двете страни преговараат зад затворени врати во величествената палата во која се наоѓа кабинетот на Ердоган.

Реклама

Долмабахче е палата која се наоѓа во Истанбул на европскиот брег на Босфорот.

Во оваа зграда живееле дури шест турски султани. Бакингемската палата и Лувр беа пример во изградбата на оваа палата.

Внатрешноста на замокот е многу луксузна и во голема мера ја следи традицијата, но е помалку ориентална. Дизајнот е мешавина од барокна, неокласична и традиционална отоманска уметност и култура. Употребата на злато и кристали за украсување на величествената палата е импресивна. Оваа палата ја има најголемата колекција на кристални лустери во светот.

Цената на сето ова е неверојатни пет милиони отомански златници, што е еднакво на вредноста на 35 тони злато. Целиот комплекс од палати, павилјони, џамии, фонтани и дворови е поделен на четири дворови и харемски комплекс. Палатата има дури 285 соби, 44 сали, 68 тоалети и 6 бањи. Во зградата е изложена колекција од 202 слики во масло.

Оваа зграда ја користел и првиот претседател на Република Турција, Мустафа Кемал Ататурк, кој починал во оваа палата во 1938 година. Денес оваа палата е музеј, но се користи за одредени важни настани, како што се преговорите меѓу Русија и Украина.

Украинската телевизија јавува дека мировните преговори во Истанбул започнале со „ладно добредојде и без ракување“, иако не е јасно дали новинарите биле присутни во тоа време или биле само информирани за тоа.

Имаше многу шпекулации за тоа што сака Русија од мировните преговори што започнаа во Истанбул.

Реклама