Кој е Џек Дорси? По Твитер, планира да стане крал на биткоинот – не јаде за викенди, живее како пустиник!?

Дури и кога Твитер стана негова единствена работа, Дорси не се откажа од своите хоби. Сакаше моден дизајн и цртање, а се занимаваше и со јога

Бидејќи во последните години често зборуваше за добрите страни на Биткоинот, се шпекулира дека поранешниот извршен директор на социјалната мрежа Твитер Џек Дорси (45) сега ќе се посвети на криптовалутите, пишува Дејли Мејл .

Google search engine

Дорси сè уште е шеф на компанијата за финансиски услуги и дигитални плаќања Сквер, компанија што ја основа во 2009 година со милијардерот Џим МекКелви.

Square ја поседува успешната услуга за мобилно плаќање Cash App и продава свои решенија за дигитално финансиско управување, а овој април ја купи услугата за стриминг музика Tidal за 300 милиони долари. Пазарната вредност на Square во моментов се проценува на повеќе од 100 милијарди долари.

Дорси во јули рече дека Сквер ќе започне нов проект базиран на Биткоин, чија цел е да овозможи „лесно создавање на децентрализирани финансиски услуги“. Square откри во февруари дека Биткоинот сочинува пет проценти од неговото инвестициско портфолио.

Проектот ќе се вика tbDEX и треба да им овозможи на луѓето да конвертираат фидуцијарни пари во Bitcoin без користење на повеќе други платформи.

Дорси на собирот на симпатизери на Биткоин оваа година рече дека се надева дека криптовалутата ќе помогне да се постигне „светски мир“.

Поранешниот директор на Твитер и сегашен директор на Сквер, чие приватно богатство се проценува на близу 12 милијарди долари, е роден во американскиот град Сент Луис во државата Мисури. Неговиот татко работел како трговец со научни инструменти, а неговата мајка била домаќинка.

Како млад, Дорси се занимавал со манекенство, поконкретно моделирање винтиџ облека, а пред да замине на Универзитетот во Мисури-Рола создал програма за управување со такси. Во раните 2000-ти, тој замина во Калифорнија за да започне посериозно да се занимава со програмирање. Не сакајќи да се ограничи на само една кариера, Дорси доби лиценца да биде масер во 2002 година.

Тој го основа Твитер на 21 март 2006 година со Ноа Глас, Биз Стоун и Еван Вилијамс .

Дури и кога Твитер стана негова единствена работа, Дорси не се откажа од своите хоби. Сакаше моден дизајн и цртање, а се занимаваше и со јога.

Во 2013 година, Дорси наводно му рекол на својот деловен партнер Ноа Глас дека ќе ја напушти технолошката индустрија и ќе стане моден дизајнер. Дорси ја напушти работата во 18 часот за да посетува часови по моден дизајн во Уметничката школа за облека во Сан Франциско.

Во книгата на Ник Билтон „Дизајнирање на Твитер: вистинска приказна за пари, моќ, пријателство и предавство“ се наведува дека ко-основачот на Твитер Вилијамс еднаш му рекол: „Или дизајнираш фустани или ќе бидеш извршен директор на Твитер. Не можеш двете.”

Дорси го водеше Твитер во два наврати – од неговото основање до 2008 година и од 2015 година до крајот на ноември 2021 година.

Во 2019 година, Дорси откри дека се справува со стресот преку строга диета и режим на вежбање. Само вечера, а за викендите воопшто не јаде. Тврди дека се тушира ​​исклучиво со ладна вода и дека на работа оди пешки за да си ја подобри концентрацијата. Дорси рекол дека поради сето ова деновите му изгледаат подолги, а додал и дека доволно спие навечер.

Дорси бил веган две години, но се префрлил на палео диета откако неговата мајка му рекла дека станал портокалов поради прекумерна количина на бета каротен.

Поранешниот директор на Твитер рече дека медитира два пати на ден и води дневник.

Дорси не е оженет и нема деца. Досега го поврзуваа со моделите Равен Лин Корнеил (26) и Флора Картер (23).

ПОВРЗАНИ НАПИСИПОВЕЌЕ ОД АВТОРОТ