Кои земји консумираат најмногу, а кои најмалку алкохол? Погледнете каде е Македонија

Многу земји имаат традиција на пиење алкохол, без разлика дали тоа е чаша вино со ручек, аперитив пред вечера, пиво на Октоберфест, ракија со мезе, алкохолот е дел од културата ширум светот исто како и кујната, музиката или облекувањето.

Консумацијата на алкохол во секоја земја многу варира и е под влијание на законите, културата и другите карактеристики на секоја земја. Светската здравствена организација забележала потрошувачка на алкохол во секоја земја во литри чист алкохол за сите пива, вина, жестоки пијалоци и други алкохолни пијалоци.

Google search engine

Евидентирана е просечна потрошувачка за лица постари од 15 години. Светската просечна потрошувачка изнесуваше 6,18 литри, со особено висока концентрација на повисоки потрошувачи во Европа, објави World population review.

Со цел да се објаснат разликите во содржината на алкохол во различни пијалоци (на пр. вино или пиво), вредностите се изразени во литри чист алкохол годишно.

Еве ги првите 10 земји со најголема потрошувачка на алкохол (во литри чист алкохол по глава на жител):

  1. Летонија – 13.19
  2. Молдавија – 12,85
  3. Германија – 12,79
  4. Литванија – 12,78
  5. Ирска- 12,75
  6. Шпанија – 12,67
  7. Уганда – 12,48
  8. Бугарија – 12,46
  9. Луксембург – 12,45
  10. Романија – 12,34

Имајќи ги предвид податоците дадени од Our World in Data, слободно може да се каже дека европските земји традиционално консумираат поголема количина на алкохол по лице.

Податоците за Македонија се 6,43 литри по глава на жител годишно, што би било некаде на средината на светската скала.

Според оваа статистика, мажите кај нас пијат 4,2 пати повеќе од жените, поточно во однос 10,36 : 2,54.

Во повеќето земји, мажите пијат во просек најмалку три пати повеќе алкохол од жените. На пример, комбинираниот просек во Чешка е 14,6 литри, но родовиот просек е 6,9 литри за жени и 22,0 литри за мажи (и двете се глобално високи).

Во некои земји, разликата е уште поголема. Во Туркменистан, на пример, мажите пијат 5,26 литри годишно, повеќе од пет пати повеќе од жените (1,03 литри годишно).

Други бројки откриваат дека Северна Африка и Блискиот Исток покажуваат релативно ниско ниво на алкохол.

Вака изгледаат првите 10 земји со најмала потрошувачка на алкохол:

  1. Сомалија, Бангладеш, Кувајт, Мавританија, Саудиска Арабија – 0,00
  2. Авганистан – 0,013
  3. Либија – 0,027
  4. Јемен – 0,034
  5. Египет – 0,14
  6. Сирија – 0,19
  7. Бутан – 0,21
  8. Индонезија – 0,22
  9. Пакистан – 0,31
  10. Џибути – 0,36

Во различни земји низ светот, алкохолот има различно значење и положба во општеството; во основа, повообичаено е луѓето да пијат редовно во некои земји отколку во други.

Алкохолот е регулиран со закони кои одредуваат минимална возраст за пиење (најчесто 18 или 21 година, но варира во зависност од земја), го ограничуваат отвореното носење алкохол на јавни места, бараат лиценци за алкохол за ресторани и продавници и забрануваат возење под дејство.

- АУДИО РЕКЛАМА -