“КИЕВ ПОДГОТВУВА ГОЛЕМ НАПАД НА ВЕЛИГДЕН” Москва со застрашувачки тврдења за украинската армија

Руската страна тврди дека дошла до информации дека „Киев подготвува провокации за време на велигденските празници“.

Русија наведува дека добиле оперативни информации за „страшни провокации што Киев ги подготвува за Велигден“, изјави генерал-полковник Михаил Мизинцев, шеф на Националниот центар за одбранбена контрола на Руската Федерација.

Реклама

– Киевскиот режим со поддршка на голем број западни земји ја завршува подготовката на софистицирани монструозни провокации со бројни жртви во регионите Запорожје, Николаев, Одеса, Суми и Харков. Во овие региони, вечерта на Велигден (24 април) е планирано да се пука со минофрлачи во православните храмови, а потоа да се обвини руската војска за масакрирање на цивили – рече Мизинчев.

Тој наведе дека за таа цел се формирани повеќе од 70 мобилни групи од редовите на националистичките баталјони на комбиња и теренски возила опремени со таканаречени „скитнички минофрлачи“ со задача да гаѓаат православни цркви во Велигденската ноќ.

– И тогаш ќе обвинат руски војници за масакрирање на цивили на овој свет празник за верниците – додаде генералот.

Според Мизинцев, „Киев планира да привлече голем број новинари од западните новински агенции да ги снимаат наводните“ руски злосторства „и веднаш цинично да шират лажни вести“.

Реклама